Sagardoaren Lurraldea ezagutuz izeneko ibilaldia antolatu dute igandean, Sagardoaren Lurraldea, Astigarraga, Hernani eta Usurbilgo Udalek, Mendiriz Mendi eta Andatza Mendi Taldearen laguntzarekin. Hiru herrietan barrena izango da ibilaldia. Goizeko 08:00etan abiatuko dira Astigarragatik, Sagardoetxetik.
Puntu interesgarriak, ezagutuz
Herri bakoitzean honako interesguneak azalduko dituzte: Astigarragako udaletxea, Markesaren Jauregia eta Ergobiko zubia. Hernanin zehar, urumea bailara, hirigune historikoa eta Santa Barbara. Usurbilgo Kalezar, dema plaza eta Sariaundi baserria.
Erakusketa eta bazkaria, Usurbilen
Usurbilen erakusketa jarriko dute: Sagardogintza gure baserrietan. Potxoenea kultur etxean izango da ikusgai (11:00-14:00).
Ibilaldiari bukaera emateko, bazkaria ere izango da Aialde Berri sagardotegian (14:30). Prezioa: 22 euro.
Bazkarirako, derrigorrezkoa da izena ematea: 943 55 05 75 edo info@sagardoarenlurraldea.com.