100 urte sasoian, dantzan eta kantuan!

Edonork ez ditu betetzen 100 urte, eta halako sasoian, are eta gutxiago. Urtebetetze boro­bilena ospatu zuen Pepita Sanchiz Sotok atzo, baita ondo ospatu ere! Gertukoen eta bizilagunen berotasuna eta lore sortak jaso zituen, eta bisitan izan zituen Udal ordez­kariak ere: Luix Intxauspe alkatea eta Glori Mendi­nu­eta.
Bere sasoi ona erakutsiz, bizitako momentuak ekarri zituen gogora, oparitu dioten argazki albumarekin. Eta barre algarak ere egin zituz­ten. Aurreko egunean ospatu zuten, ia 100 seni­derekin, Elutxetan bazkaria eginda. Dantzan eta kantuan ere aritu zen Pepita bazkalostean, umore onenean ospatzeko!