Umorea eta giro ona izan dira nagusi Dobera Euskara Elkarteak antolatu duen Bota bertsoa! lehiaketan; argi geratu zen hori, atzoko sari banaketan. Saridun askok kantatu egin zituzten irabazle suertatutako bertsoak.
Guztira, 27 sagardotegitan bildu dira 200dik gora bertso, Hau egarriya! gaiaren bueltan idatzitakoak.
Lehiaketak izandako harrera ona ikusita, datorren urtean bigarren edizioa egingo da. Ordura arte, entrenatu; Bota bertsoa, beldurrik gabe!