Ostiraletik larunbaterako gauean, 00:30ak aldera, ke haundia zabaldu zen Hernanin; A-15 errepidean kamioi batek su hartu zuen, Udaltzaingoak jakinarazi duenez. Hori horrela, trafikoa Galarretara desbideratu behar izan zuten, eta kamioietako bat, nahastuta, Txantxillan Hernanira sartu zen. Ateratzeko maniobrak egiterakoan, moto bat arrastaka eraman zuen, eta olioa isuri zuen Inmakulada ikastetxearen pareko errepidean. Goizeko 07:00etarako errepidea irekita zegoen berriro.