Euskal Herriko 16 talde dantzan, Hernanin

Dantzari Festaren barruan, dantzari helduek hartuko diete erreleboa gaur, atzoko gaztetxoei. 
Goizeko 11:00etan hasita, Euskal Herriko 16 talde eta Sabadelleko Colla Gegantera erraldoi taldea ibiliko dira auzoz auzo: Gasteizko Adurtza, Ereñotzun; Gabadiko Iruski, Oialumen; Iruñeako Ostadar, Osiñagan; Añorgako Arkaitz, Zikuñaga eta Karabelen; Do­nos­tiako Goizaldi, Gartzia Gol­darazetik Karmelo Labakara; Sestaoko Arriskugarri, Flori­dan; Irungo Ibarla Meaka Sa­gastialden; Larraingo Errege Txopitak, Antziolan; Donos­tia­ko Trebeska, Sorgintxulon; Irun­go Kemen, Marielutsen; Hen­daiako Akelarre, Txan­txi­llan; Errenteriako Erenintza, Portun; Elizondoko Baztanda­rrak, Txirrita eta Biteri in­gu­ru­an; Donostiako Eskola, Lize­a­gan; eta Kaxkoan, Hernaniko Ttarla eta Erraldoi Konpartsa, eta Ka­taluniako Colla Ge­gan­tera.

Ikurrin dantza eguerdian, eta erromeria arratsaldean
Eguerdiko 13:30etan denek elkarrekin dantzatuko dute Plazan, eta arratsaldeko 18:00e­tan erromeriarekin bu­ka­tu­ko dute eguna.

Erakusketa eta hitzaldia
Aurtengo Dantzari Festak 20garren edizioa du, eta da­to­rren larunbatean bukatuko da. Ordura arte, euskal jan­tzi­en erakusketa egongo da Bite­rin, eta asteazkenean hitzal­dia emango du Ramon Gar­ciak, 19:00etan Biterin.