Hernaniko Sarek antolatuta, Dispertsioarekin amaitu, presoak Euskal Herrira ekimen herritarra egingo da gaur, eguerdiko 12:00etatik 14:00etarako tartean, Plaza Berrin.
Hainbat ekitaldi egingo dira: Niko Lizeagaren eskutik, antzerkia; Damian Pedrosaren ahotik, olerkiak; Axpik marrazkiak egingo ditu; eta Eli Pagola bertsotan ariko da.
Gainera, sare erraldoi bat osatu, eta bertatik nork bere gutun, argazki eta abarrak zintzilikatu ahal izango ditu. Ezer eramaten ez duenak aukera izango du bertan jarriko den tailerrean zerbait egiteko.
Ekimena pintxo-potearekin bukatuko dute, eguerdiko 14:00ak aldean.