Tilos 7 Pasa, herri mailan jokatzen den pala txapelketa haundiena hasi berri da. Astelehenean jokatu ziren lehenengo partiduak eta hemendik aurrera, astero-astero ariko dira lehian, astelehenetik ostegunera, Tilosetan (19:00etatik aurrera). Aurreko urteetan bezala, giroa eta saltsa sortzeko asmoz antolatu dute.
Ligaxka jokatzen ari dira orain, eta azken partiduak maiatzaren 11n izango dira. Hortik aurrera, berriz, azken fasean sartuko dira eta ohi bezala, ekainean jokatuko dira finalak, San Joan jaien aurretik. Hain zuzen, ekainaren 20an. Iaz, hiru mailatan aritu ziren eta honakoak izan ziren irabazleak: Endika eta Aiheko; Dani eta Ander; eta Garbiñe eta Ixone.
51 bikote, lehian
Aurtengoa bosgarren urtea da txapelketa herrikoi hau antolatzen dela eta urtetik urtera gero eta indar haundiagoa hartzen ari da. Aurten, 51 bikotek eman dute izena; iaz, 47 bikote izan ziren. Oraingoan ere, hiru mailatan ariko dira: mutiletan bi maila izango dira eta nesketan bakarra. Hala ere, aurtengoak berezitasun bat izango du. Partaide batzuk proposatuta, bikote mistoek ere parte hartzeko aukera izango dute eta horiek mutilen bigarren mailan jokatuko dute. Nesketan 6 bikote ariko dira, mutilen 1go mailan 15, eta bigarren mailan 30, 3 misto barne.
7tik pasaz gero, falta!
Txapelketa honek hainbat berezitasun ditu: Tilosetan jokatzen dira partidu guztiak, gomazko pelotarekin, eta izenak dioen bezala, 7garren koadrotik pasaz gero, falta da. yy