Osteguneko batzarrean primarioak egin zituen Orain Hernani herri plataformak, maiatzeko hauteskundeetarako hautagai zerrenda osatzeko. Hala ere, oraindik ez dute 20ko zerrenda osatu, eta herri plataforma hauteskundeetan aurkeztu ahal izateko sinadura bilketarekin jarraitzen du.
Sinadura bilketa, astelehenera arte
Hauteskundeetan herri plataforma bezala aurkeztu ahal izateko, 500 sinadura behar ditu Orain Hernanik. Dagoeneko lortu dituzte, baina astelehenera arte bilketarekin segiko dute, notaritzan ahalik eta gehien aurkeztu ahal izateko, baten bat baliogabetzen badute ere.
Astelehenean, udaletxeko idazkaritzan bilduko dituzte sinadurak (12:00-15:00).
Hautagai zerrenda osatzen
Bestalde, dagoeneko hasi dira hautagai zerrenda osatzen. Osteguneko batzarrean primarioak egin zituzten ordena aukeratzeko, baina oraindik ez dute 20ko zerrenda osatu.
Nabarmendu dute edonor izan daitekeela hautagai, beti ere, 15 puntuz osatutako konpromiso etiko txostena sinatuz gero.
Sinadura bilketarekin bukatuta, zerrenda osatu eta aurkezpen publikoa egingo dute. Hautagai bezala aurkezteko jarri harremanetan: hernani.ahaldugu.eus webgunean edo orainhernani@gmail.com.