Liga bukatuta, Gipuzkoako Txapelketan aritu ziren Hernaniko batelak, aurreko asteburuan, Pasaian. Eta hor ere, lortu zuten podiumera igotzea, bi batelek: bigarren egin zuten mutil kadeteek, eta hirugarren neska jubenilek. Orain, Euskadiko Txapelketan lehiatuko dira Hernaniko bost batel, asteburu honetan, Arabako Legution. Gaur 16:00etan izango dira sailkapen probak, eta bihar jokatuko dira finalak eta kontsolazio txandak.