Hil ala biziko partidua jokatuko dute gaur, Ortuellan, Euskal Bigarren Mailako mutilek. Barrena Berriren kontra ariko da Mundarro-La Salle, 20:00etan, eta irabazi beste aukerarik ez dauka. Azkenaurrena dago, jaitsiera postuetan, eta bi partidu baino ez zaizkio falta.
Sei garaipenekin daude astigartarrak, eta beste horrenbeste dauzkate aurreko bi taldeek: Paules Skoda eta Portugalete. Hiruren artean izango da lehia, mailari eusteko.
Neskek azkena, Barakaldon
Mundarro-La Salleko neskek, bere aldetik, bihar jokatuko dute Euskal Bigarren Mailako azkeneko partidua, 12:00etan Barakaldon, Ausartaren kontra. Salbatuta daude dagoeneko, eta gora egiteko aukerarik ez daukate.