Ereñotzuko San Antonio Jaiak ekainean izango dira, ohi bezala, eta hasiak dira prestaketa lanetan. Jaiak iragarriko dituen kartelaren bila ere badabiltza eta horretarako, kartel lehiaketa jarri dute martxan. Saria: 100 euro. Lanak kultur etxean aurkeztu behar dira, maiatzaren 15a baino lehen.
Edozein modalitate artistikotan
Bete beharreko baldintzei dagokienez, honakoak dira kontuan hartu beharrekoak: lanek 12 cm-ko zabalera eta 32 cm-ko altuera izatea; paperezko formatuan edo formatu digitalean aurkeztea; koloretan eta edozein modalitate artistikotan. Kartelean, honako hitzak agertu behar dira: San Antonio Jaiak 2015, Ereñotzu. Kartazal haundi batean aurkeztu behar dira, egilearen datuak barruan daudela.