Bi hilabete eskas falta dira Ereñotzuko Mendi Lasterketarako, eta izena emateko epea zabaldu dute dagoeneko. Bi aukera daude apuntatzeko: Ibai Mendi kirol dendan (Nafar kalea), eta www.kirolprobak.com web orrian.
Inskripzioa, 10 euro
Izen ematea 10 euro dira, eta maiatzak 31ra arte izango da aukera. 200 korrikalari apuntatu daitezke gehienez: 150 internet bidez, eta 50 Ibai Mendin.
Ekainaren 7an izango da lasterketa, goizeko 10:30etan hasita. 12 kilometro inguruko ibilbidea egingo dute, Urdaburura igota. Egunean bertan ere izango da apuntatzeko aukera, dortsalik libre egonez gero: Ereñotzuko plazan, 09:30etan. 13 euro izango dira.