Asteazkenero bueltaxka, osasuna zaintzeko

Bederatzi ibilbide prestatu dituzte Ttapa Ttapa, Denok batean egitasmoaren barruan, edonork egiteko modukoak.
Atzo egin zuten aurkezpena Hernaniko Udalak, Hernaniko Ongintzak, Eusko Jaurlari­tza­ko Osasun Sailak, Hernaniko Osasun Zentroak eta talde era­gilea osatzen duten herritar eta elkarteek: Koxka, desgai­ta­su­nen bat duten pertsonen el­karteak; Hernaniko Odol Emai­leek; Eliza ebanjelikoak; Ema­kumearen Zentroak; Amhe­­rrek; Goiz Eguzkik; Her­nani Wukrorekin GKEk; eta Berriak, merkataritza elkar­teak.
Luis Intxauspe alkateak eta Tomas Plazaola, Eusko Jaur­la­ri­tzako Osasun  Saileko koor­di­na­tzaileak azaldu bezala, «egi­tas­moaren helburua da oinez ibiltzera animatuta, helduen bizi-kalitatea eta osasunean eragitea. Elkarrekin ariketa egin, hamaiketakoan hitz egin eta sozializatu... eta horrela, ho­bekuntza mentala, fisikoa eta soziala bultzatzea».

Aurreneko zita, asteazkenean
Datorren asteazkenean, hilak 22 hasita, astero jarriko dira zitak, 11:00etan Atsegindegin, ekainaren 17ra arte.
Etxean jasoko dituzte herritarrek egitasmoa osatzen duten ibilbideak; motzena 125 metrokoa da, eta luzeena 7.300 metrokoa. Asteazkenetan ibil­bide motzenak egingo dira, eta ondoren, parte hartzaileek ha­mai­ketakoa izango dute Atse­gin­degin bertan, nahiz eta ibilbide osoa ez egin.

Parte hartzeko Atseginde­gi­ra azaldu besterik ez dago.
Azal­tzen direnei txartel bat eman­go zaie, zenbat aldiz azal­du diren kontatzeko. Ekainean, sariren bat zozketatuko da.