Maiatzeko hauteskundeetan aurkeztu ahal izateko herri plataforma osatzen ari da Orain Hernani. Horretarako, 500 sinadura bildu behar dituzte, astelehena baino lehen.
Bestalde, hautagai zerrenda ere osatzeko daukate, eta gaurko bileran emango dira ezagutzera. Gero, zerrendan zein ordenetan joango diren ere bozkatuko da.
Aurkezteko aukera oraindik, afiliatu gabe ere
Gaurkoan hautagai zerrenda emango da ezagutzera, baina aurretik, izango da aukera nork bere burua hautagai aurkezteko ere. Horretarako, ez dago afiliatuta egon beharrik.
Era berean, gaurko batzarra aprobetxatuko da zerrendako hautagaien ordena bozkatzeko.
Sinadurak biltzen
Bestalde, Orain Hernanik gogorarazi du 500 sinadura behar direla herri plataforma sortzeko. Astelehenera arte jasoko dira sinadurak: Notaritzan (09:30-13:00), udaletxeko idazkaritzan (12:00-15:00) eta Biterin (16:00-20:00).