Zergatik zergapetu behar da aberastasuna?

Natzak antolatuta, hitzaldia emango du gaur Helena Franco Gipuzkoako Ogasun Diputa­tuak, 19:30etan, Biterin.
Hitzaldiak bi zati izango ditu. Batetik, Foru Aldundiak mar­txoan argitaratutako liburua aurkeztuko da: Aberastasuna zergapetzeko proposamen be­rriak Europan. Horren ondoren, Helena Francok berak liburu horretan idatzitako atalaren inguruko argibideak emango ditu, Aberastasunaren gaineko zergaren balio politikoa izen­burupean.

Fiskalitateari buruzko eztabaidari ekarpena egin nahi dion liburua
Gipuzkoan ez ezik, mundu osoan ere pil-pilean dago abe­ras­tasunaren gaineko zergaren in­guruko eztabaida. Hori ho­rrela, Gipuzkoako Foru Aldun­diko Ogasun eta Finantza Departamentuak liburu bat argitaratu du, «fiskalitateari buruzko eztabaidan ekarpen lagungarria izateko».
Aberastasuna zergapetzeko proposamen berriak Europan liburuan hainbat ikuspegi bil­tzen dira, aberastasunaren zer­gapetzearen inguruan. Liburu horretan bildu dira, besteak beste, 2014ko udaran Euskal Herriko Unibertsitatean eman zen ikastaroan parte hartu zuten adituen ponentziak; tartean, Helena Francorena. Bertan azaltzen dira, baita ere, nola dagoen banatuta aberas­ta­su­na munduan, zein diren Europan indarrean dauden ereduak, eta zer diren Gipuz­koako Aberastasunaren eta For­tuna Haundien gaineko Zerga edota etxebizitza hutsei apli­katutako errekargua.

Zergak ordaintzearen balioa
Helena Francok gaiari ikuspegi jakin batetik helduko dio; hain zuzen, aberastasunaren  gaine­ko zergak duen balio politikoaz ariko da.
 Ordaintzen ditugun zer­ge­ta­ko batzuk dira erosketetan or­dain­tzen duguna, errenta aitor­penekoa, enpresek ordaintzen dituzten sozietate zergak... Eta beste bat da ondarearen gaineko zerga, orain arte kenduta egon dena. Baina Gipuzkoan berre­za­rri egin da lege hau, eta edukia aldatu zaio. Izan ere, Foru Aldundiaren esanetan, «gehien zutenek lortzen zuten gutxiago ordain­tzea, eta juxtu, zergaren egitekoa kontrakoa da».
Zerga berrezartzeak, ordea, polemika ekarri du, enpresak kal­tetuko zituelakoan. Francok datuak emango ditu, hori ho­rre­la ez dela ziurtatzeko, eta azalduko du zergak Gipuzkoan nola funtzionatzen duen eta zein garrantzi duen.