Berria Txapelketaren 10garren edizioa aurkeztu zuten ostiralean, Urnietako Oianume sagardotegian. Txapelketa Berria Egunkariak antolatu du, Hernani, Adiskide eta Gazteleku kublekin batera. Edizio honetan, Euskal Herriko 16 klub onenek hartuko dute parte, tartean, Hernanik. Klub horietako 5 Gipuzkoakoak dira, 5 Nafarroakoak, 3 Bizkaiakoak, 2 Arabakoak eta 1 Iparraldekoa.
Txapelketa apirilaren 19tik ekainaren 27ra jokatuko da, kadete, jubenil eta nagusi mailetan. Final haundia, urteroko legez, Hernanin jokatuko da. Hernanik apirilaren 27an jokatuko du aurreneko partidua, Markinaren kontra.
Txapelketaren sistema
Lehen kanporaketan, klub bakoitzak, gutxienez, bere lau pelotari izan behar ditu; eta besteak lurralde bereko klubetatik hartu ditzake. Joko sistemari dagokionean, kanporaketetan, bi partidu irabazten dituenak egingo du aurrera. Lehendabiziko bi partiduak talde berdinek irabazi dituzten kasuetan, puntu gehien lortu dituenak egingo du aurrera; eta enpate kasuetan, partidu gehien irabazi duenak egingo du aurrera. Final zortzirenetako zortzi partidu jokatuko dira, lau final laurdenetako, bi finalerdiko eta finala.
Sariak aurreneko hiru klubentzat izango dira.
Jaialdien salmenta
Adiskidek, Gaztelekuk eta Hernanik jokatuko dituzten partiduak ezingo dira erosi. Gainerako guztiak 300 eurotan hartu daitezke.