200dik gora bertso, eta 25 sari baino gehiago!

Hau egarriya!  gaiari eran­tzunez, 200dik gora bertso jaso ditu Dobera Euskara elkarteak. Sagardoak, ber­tsoak eta euskerak bat egiten duten lehiaketa jarri du martxan aurten Doberak: Bota bertsoa!. Txotx den­boraldiko aurreneko hila­beteet­an, kaxa eta orriak ba­natu ditu Urumea bailarako sagardotegietan, eta gertur­a­tu diren guztiek izan dute imaginazioa martxan jarri, eta bertsoa botatzeko aukera.

Hogeita zazpi sagardotegik hartu dute parte
Inguruko sagardotegi ia guz­tiak prest azaldu ziren lehia­ketan parte hartzera, eta eran­tzuna bikaina izan da. 200dik gora bertso! Dobera Euskara elkartea oso pozik da­go izan duen harrerarekin: «arrakasta izan du lehia­ketak, eta oso pozik gaude erantzunarekin. Sagardo­gi­leak ere pozik azaldu dira, giro polita sortu omen da, eta azken finean, hori zen helburua».
Sagardotegien artean gainera, izan dira batzuk partehartze zabalagatik nabarmendu direnak. Gehin animatu direnak Itxasburuko bezeroak izan dira, 20 bertsorekin; eta atzetik dira, gertu-gertu, Iparragirre 18 bertsorekin, Lizeaga baita ere 18rekin, eta Gurutzeta 17 bertsorekin.
Partehartzaileei dago­kie­nean, Euskal Herriko bazter ezberdinetatik etor­ri­takoak izan dira: Lekeitio, Do­nostia, Goizueta, Hernani, Astiga­rraga, Zumaia, Gasteiz, Orio...

Sari asko, mota askotako bertsoei
Bertso onenak Iraulio Pan­tta­lone Bertso Eskolako ki­deek au­keratuko dituzte. Sa­ri as­ko izango dira, eta beraz, mo­ta asko­tariko bertsoek jasoko di­tuzte: bertso sakonena, u­mo­re­tsue­na, poetikoena, tek­ni­koe­na, errit­mikoena, xe­le­bre­ena, mor­­bosoena, kali­gra­fia­rik txukunena, origina­lena...
Sariak sagardotegiek eta Bertsozale Elkarteak jarri di­tuzte: bi lagunentzako otor­duak, Aimar Olaizolaren ka­mi­seta, sagardo kaxak, Gi­puz­koako txapelketarako sarrerak...

Argazkia eta saribanaketa
Lehiaketan parte hartu duten sagardotegi guztiekin a­r­gaz­kia aterako du Doberak. As­tear­tean jarri dute hitzordua, 11:00­etan, Jauregiko Zaba­loe­nea baserrian.
Beste hitzordu ga­rran­tzitsua datorren ostiralekoa izango da. Lehiaketako sa­ri­banaketa egingo dute, Bi­terin, 19:00etan. Berezia izan­go da, irabazleek bertsoak abestuko dituztelako!