KZ Gunean teknologia berrien inguruan ikasteko aukera zabala eskaintzen dute, debalde. Lokalak instalazio egokiak ditu internet erabiltzen ikasteko eta nabigatzeko. Apirilean zehar ere, eskaintza zabala dute: oinarrizko interneta; ofimatika eta software librea; sare sozialak 2.0; irudia eta soinua; eta google apps aplikazioak.
Hiru ikastaro, aukeran
Aukera hauen artean gainera, badaude hiru, ikastaro formatuan jaso daitezkeenak. Internetaren oinarrizko kontzeptuak eta erabilerak ikasi nahi dituenak astelehenetik aurrera jaso dezake ikastaroa. Apirilaren 30a arte emango da, euskeraz, 11:00etatik 13:00etara. Sare sozialak nola erabili ere ikasi daiteke hilabete honetako ikastaroan. Bost eguneko ikastaroa antolatu dute, 10 ordukoa, hilaren 20tik 25era. Gaztelaniaz izango da, eta 09:00etatik 11:00etara da ordutegia. Ofimatika eta software libre klaseak ere emango dituzte apirilaren 17tik maiatzaren 8ra; euskeraz izango dira, 16:00etatik 18:00etara. Bestalde, IT txartelak ateratzeko aukera zabala eskainiko dute, lau saiorekin.