Bosgarren edizioa izango du aurten, Ereñotzuko Mendi Lasterketak. Azken bi urteetan egindako ibilbide bera mantenduko da: Aiako Harria Parke Naturalaren lurretan barrena korrituko da, eta Urdaburu tontorra izango da punturik altuena.
Lasterketa ekainaren 7an izango da, eta bi hilabete eskas geratzen diren honetan, nahi duenak zabalik du izena emateko epea. Horretarako bi aukera daude: kirolprobak.com helbidean eta Nafar kaleko Ibai Mendi dendan.