Hogei herrialdetako jaki goxoak, igandean

Urteak daramazki AMHERek etorkinen integrazioa eta fin­katzea errazten. Bide horre­tan, ekintza ugari antolatzen ditu herrian, eta denen artean bada bat, sekulako arrakasta izaten duena: Jaialdi Gas­tro­nomikoa. Hernanin bizi diren kultura guztiek egiten dute bat, jaki go­xoen artean. AMHER Kronikari aitortu izan dion moduan, «ingurua eza­gutuz hasten da bat bizitzeko aukeratu duen lekua mai­tatzen».
Eguraldiak laguntzen badu, Plaza Berrin, 12:00etatik 14:00­etara izango da jaialdia. Hogei herrialdetako gazi-gozoak izan­go dira aukeran; eta nahi izanez gero, errezeta eskuratu ahal izango da. Umeentzako arto-irinen tailerra ere antolatu dute aurten. Eta musika, era­kusketa eta informazioa ere, ez dira  faltako.