Asko izango dira Aste Santuko oporrak aprobetxatuz, kanpora joan direnak. Baina baita herria zaintzen geratu direnak ere, eta gaur bi plan erakargarri izango dituzte, Udaleko Turismo Sailak antolatuta: Tren Berdean buelta, eta bisita gidatua.
23 minutuko paseoa
Tren Berdeak 23 minutuko buelta ematen du herrian barrena, eta gaur arratsaldean debalde ibiltzeko aukera izango da. Batez ere, umeei zuzendua da. Hiru ordutegi izango dira aukeran: 16:45etan eta 17:45etan, euskeraz; eta 17:15etan, gaztelaniaz. Tiketak Turismo kasetan (Biteri kanpoan) hartu behar dira, trenera igo aurretik.
Bisita gidatuari dagokionez, Hernani, erdi aroa eta sagardoa izeneko paketea eskainiko dute. Plana debalde bada ere, aurrez eman behar zen izena. Izena eman dutenek 10:15etan azaldu behar dute Biteriko turismo gunera.