Jaunaren afaria ekarriko dute gogora gaur, Ostegun Santuko mezatan. Ereñotzuko San Antonio elizan 18:00etan izango da; Floridako San Jose Langilean 19:30etan; eta San Joan Bataiatzailean, 20:00etan.
Gurutzbidea eta Pasio ospakizuna, bihar
Bihar, Ostiral Santu egunez, Gurutzbidea egingo dute Santa Barbarara, goizeko 08:30etan abiatuta. Mezak ere izango dira: San Antonion 09:00etan, eta San Joan Bataiatzailean 11:00etan. Iluntzean berriz, Pasio ospakizuna egingo dute: San Antonion 18:00etan, San Joan Bataiatzailean 18:30etan, eta San Jose Langilean 19:30etan.
Bataioak, larunbat eta igandean
Larunbat Santu egunean, Pazko gaubeila ospatuko dute. Bi meza izango dira: San Antoni-on 19:00etan, eta San Joan Bataiatzailean 20:00etan. Bataioak ere izango dira, azken honetan.
Azkenik, Pazko igandean meza nagusia izango da. Denera, lau: Agustinetan, 09:00etan; San Antonion, 10:00etan; San Jose Langilean, 11:00etan (bataioak ere bai); eta San Joan Bataiatzailean, 12:00etan.
Gogorarazi dute, Agustinetan ez dela mezarik izango gaur, bihar eta larunbatean.