DATORREN legegintzaldirako Herri Programa eta hautagaien zerrenda aurkeztu eta bozkatzeko, batzar irekia egin zuen EH Bilduk astelehenean. Bi proposamenak onartu ziren, aho batez.
22 puntu edo arlo biltzen ditu programak: Tokiko Garapena, Energia, Elikadura burujabetza, Ingurumena, Hondakinak, Parte hartzea, Euskera, Kultura, Berdintasuna, Gazte politika, Pertsona helduak, Jarduera fisikoa, Lurralde antolaketa-Hirigintza-Mugikortasuna, Etxebizitza, Kultura eta jatorri aniztasuna, Internazionalismoa, Politika fiskala, Auzo Udala, Lan eremua, Turismoa, Merkataritza, Hezkuntza, Aniztasun funtzionala, eta Gatazkaren konponbidea.
Puntuz Puntu dinamikarekin osatu da herri programa eta izandako parte hartzea azpimarratu zuten. Denera, 200 lagunetik gora aritu dira.
Mantentzea aurreikusi
Hautagaiei dagokienez, Luis Intxauspe egungo alkateak eta EH Bilduko zerrendaburuak aurkeztu zituen. Intxauspek adierazi zuen, mantentzea aurreikusten dutela hauteskunde hauetan, hau da, bederatzi zinegotzi lortzea, baina emaitzek erakutsiko dutela gero.
Udaletxean ze esparruk daukaten lan karga kontuan hartuta, perfilak zehaztu eta perfil bakoitzerako pertsona egokiengana jo dutela azaldu zuen; «arlo horietan esperientzia dutenak».
Hautagaien zerrenda
1. Luis Intxauspe: zerrendaburua, alkategaia. Aurreko legegintzaldiari eta hurrengoari lotura ematea izango du helburu. Horrez gain, legegintzaldia hasteko, bere arloak izango lirateke lurralde antolaketa eta hirigintza, tokiko garapena...
2. Koro Etxeberria: Udalgintzan, herrigintzan, eta kulturgintzan (Natzako kidea, besteak beste) duen esperientzia hartu dute kontuan.
3. Mattin Aldaya: Zerbitzu publikoetarako. Ingurumenarekin ere sentsibilizatua. Oronan egiten du lan mantenimendu arloan eta Hernanin Zero Zabor taldeko kidea da.
4. Isa Sanchez: Arlo ekonomikoa lantzeko. Enpresaritza eta ekonomian lizentziatua eta urte asko daramazki enpresa bateko kontabilitatea eramaten.
5. Xabier Lertxundi: Ongintzarako, arlo soziala lantzeko.
6. Esti Aldeiturriaga: Kirola, jar-duera fisikoa, eskola kirola, hezkuntza... lantzeko.
7. Inhar Olano: Udaletxearen modernizazioan, digitalizazioan, komunikazioan... aurrerapausoak emateko. Baita presoak, gatazkaren ondorioak...
8. Garazi Etxarri: Gazteria arlorako.
9. Damian Pedrosa: Kooperazioa.
10. Ainitze Genua
11. Zehaztu gabe
12. Araitz Aira
13. Oier Garmendia
14. Ixiar Miner
15. Jabier Zubimendi
16. Anabel Balerdi
17. Jabi Larraza
18. Zehaztu gabe
19. Ernesto Merino
20. Izaro Arruarte