Emaitza ederrekin bukatu dute Gipuzkoako Batel Liga, Hernaniko arraunlariek. Getarian jokatu zituzten ligako azken estropadak larunbatean, eta bi taldek lortu dute podiuma egitea: Neska seniorrek eta neska jubenilek. Seniorrak, bigarren postuan geratu dira, 25 punturekin, San Juanen atzetik (34 puntu) eta Hibaikaren aurretik (21 puntu). Jubenilak, berriz, hirugarrenak izan dira (18 puntu), Orio (36 puntu) eta Tolosaren atzetik (20 puntu). Denera, zortzi jardunaldi izan ditu ligak, eguraldia tarteko hainbat estropada bertan behera utzi behar izan baititu federazioak: Pasai Donibane, Pasai Donibane, Orio, Loiola, Pasai Donibane, Orio, Zumaia eta Getaria (emaitzak hemen).
Orain, txapelketak
Liga bukatu bada ere, orain txapelketen txanda izango da. Aste Santua tarteko, asteburu honetan atsedenaldia izango dute arraunlariek, baina apirilaren 11ko asteburuan, Gipuzkoako Batel Txapelketa jokatuko dute, Pasaian; eta apirilaren 18ko asteburuan, berriz, Euskadiko Batel Txapelketa jokatuko dute, Legution.