Maila altua, txistulari gaztetxoek

Txistulari jaialdiak atzo hasi zuen bere festa, Hernaniko X. Txistulari Gaztetxoen Txapel­ke­tarekin. Oso maila altua izan zen parte hartzaileen artean, eta Durangora eta Iruñeara joan ziren txapelak. Banaka, bi durangar nagusitu ziren: Mikel Gonzalez A kategorian, eta Gorka Pagona­barraga B kategorian. Taldeka, berriz, Iruñea izan zen onena.
Euskal Herri osoko txis­tu­lariek hartu zuten parte: Donostia, Leitza, Azpeitia, Durango, Abadiño, Iruñea... Hernanik ere izan zuen ordezkaritza: Manex Zabaleta eta Ane Telletxea banaka, eta Akola eta Txibilita taldeka. Saririk ezin izan zuten lortu, herriko txistulariek.

Topaketa, gaur
Gaur izango du jarraipena jaialdiak, Txistularien Topa­ke­tarekin. Goizeko 10:00etan joko dute diana, herrian barrena. Eguerdiko 12:30etan, berriz, kalejira eta Ttun-Ttuna izango dira Plazan.
Festa borobiltzeko, bazka­ria egingo dute Santa Barbara elkartean.