Ttipi-ttapa ttipi-ttapa... Korrika!!! oihu artean egin zituzten astigartarrek ere herriko kilometroak. Hernanitik, 10 bat minutuko atzerapenarekin, larunbat goizean iritsi zen Korrika 19 Astigarragara, eta 11 talde eta ehundaka lagun izan ziren euskeraren alde korrika egin zutenak. Egun osoko aldarrikapen festa izan zen eta Korrikak bere bidea jarraitu zuen bitartean, trikipoteoa, kantu bazkaria, DJ Xaibor, elektro poteoa eta kontzertua egin ziren. Giro ezinhobean joan zela eguna azaldu dute AEKko kideek. 100 bat lagun elkartu ziren bazkarian.
Argazki albuma ikusgai webgunean.