Preso eta iheslarien aldeko eguna antolatu du gaur Ernaik Hernanin: Denak ala inor ez. Arrazoia: «24 hernaniar daude espainiar eta frantziar estatuetako kartzeletan, eta falta direnak etxean behar ditugulako antolatu dugu gaurko eguna. Lema izango da: Herria mugarri, preso eta iheslariak etxera!.
Azaldu dutenez, helburua da egun honetan preso eta iheslarien aldeko konpromisoa hartzea: «egunean zehar konpromiso ezberdinak hartuko dira. Falta direnak etxean behar ditugula aldarrikatuko dugu, eta preso eta iheslariak gabe herri askerik ez dugula izango azpimarratuko dugu».
Preso eta iheslarien senideei elkartasuna adierazteko eguna ere izango dela gogoratu dute: «beraiei edozertan laguntzeko konpromisoa hartuko dugu».
Herritarrak, eta batez ere gazteak, konpromisoa hartzera bultzatu nahi dituzte: «Preso bat, 24 lagun dinamikan parte hartzera gonbidatu nahi ditugu. Gazteria preso eta iheslarien etxeratzearen alde kokatzea nahi dugu, denon lana dela ulertaraztea lortu nahi dugu».
EGITARAUA
10:00 Mural margoketa Tilosetan.
12:00 Argazkia Tilosetan.
Ondoren Elkartsuna triki-jolas-poteoa.
14:00 Bazkaria Tilosetan.
Bazkalostean: Fermin Balentziaren kontzertua.
Segidan: 17:00etan, Anoeta estadioan egingo den manifestaziora. (19:00etan Hernanin deitua zegoen manifestazioa, bertan behera).