Aste Santua izaten da elizkoientzat urteko garai inportanteenetako bat. Hernaniko eliz barrutiak ospakizunerako meza eta ekintza ugari antolatu ditu aurten ere, herriko parrokia eta eliza ezberdinetan.
Elkarteko penitentzia egunak izaten ari dira hauek. Atzo Floridako San Jose Langilean izan zen meza. Gaur berriz, Ereñotzuko San Antonio elizan emango dute, 19:00etan. Eta bihar, San Joan Bataiatzailea parrokian izango da, 19:30etan.
Igandea, Erramu igandea izango da, eta beti bezala, mezarekin batera erramu bedeinkapena egingo da. Lau meza emango dira: Agustinetan, 09:00etan; Ereñotzuko San Antonion 10:00etan; Floridako San Jose Langilean, 11:00etan, eta San Joan Bataiatzailean, eguerdiko 12:00etan.
Ostegun Santutik Pazko igandera, egunero
Jaunaren afaria ekarriko dute gorora, Ostegun Santuko mezan. Ereñotzuko San Antonion 18:00etan izango da; Floridako San Jose Langilean 19:30etan; eta San Joan Bataiatzailean, 20:00etan.
Ostiral Santu egunez, gurutzbidea egingo dute Santa Barbarara, goizeko 08:30etan. Mezak ere izango dira: San Antonion 09:00etan, eta San Joan Bataiatzailean 11:00etan. Iluntzean berriz, Pasio ospakizuna egingo dute: San Antonion 18:00etan, San Joan Bataiatzailean 18:30etan, eta San Jose Langilean 19:30etan.
Larunbat Santu egunean, Pazko gaubeila ospatuko dute. Bi meza izango dira; San Antoni-on, 19:00etan eta San Joan Bataiatzailean 20:00etan. Bataioak izango dira, azken honetan.
Azkenik, Pazko igandean meza nagusia izango da. Lau, guztira: 09:00etan Agustinetan; 10:00etan, San Antonion; 11:00etan, San Jose Langilean, bataioak eta guzti; eta 12:00etan, San Joan Bataiatzailean.
Azkenik, gogoratu nahi dute, Agustinetan ez dela mezarik izango ostegun, ostiral eta larunbat santuz.