Beterriko Garapen Integralerako Agentzia aurkeztuko dute gaur Gabriel Zelaia eraikinean. Enpresa, eragile, erakunde eta herritar guztiak gonbidatu dituzte aurkezpenera. Arratsaldeko 18:00etan hasiko da aurkezpena; ondoren, eraikina ezagutzeko bisita gidatua antolatu dute; eta bukaera luntx eder baten bueltan emango diote. Bertan izango dira Beterri agentzia osatzen duten herrietako alkateak: Luis Intxauspe, Hernanikoa, Andoni Gartzia Astigarragakoa, Pablo Barrio Lasartekoa, Ana Carrere Andoaingoa eta Mertxe Aizpurua Usurbilgoa.
Helburua, enplegu zerbitzua aberastea
Garapen Integralerako Beterri Agentzi berriaren helburua da, eskualdeko herritarrei zuzendutako enplegu zerbitzua aberastea: «eskualdean enplegua sortzeko erreferentziako agentzia da Beterri. Herri hauetako sustapen eta garapen sozioekonomikoa bultzatzeko tresna izan nahi du Beterrik. Eta baita ere, bertako biztanleen ongizatea bermatuko duen tresna».