Ibon Fernandezen egoera aztertuko dute hirugarren aldiz, zigorra eten edo ez erabakitzeko

ibon Fernandez Iradi euskal preso politikoaren kasua azter­tuko dute ostegunean, Fran­tzi­an. 2013ko urta­rrilean diag­nos­tikatu zioten Fernandezi eskle­rosi anikoi­tza, eta orduan hasi zituen tra­miteak, zigorra etetea es­ka­tzeko. Ostegunekoa hiru­garren audientzia izango da. Ane Fer­nandez arrebaren esa­ne­tan, es­katzen dutena da pertso­na orori berez dagozkion es­ku­bideak berma­tzea: «gaixota­suna behar be­zal­a tratatzeko, ezin­bestekoa da bere zigorra etetea. Espetxean jarraitzeak berez eri­tasun ho­nek da­ka­rren oke­rtzea area­gotu eta azkartuko luke».

2014ko ekainean, ebazpena
Ibon Fernandez 2003 urtetik dago preso estatu frantsesean, eta lau urte pasatxo dara­mazki gaixo, baina 2013ko urtarri­lera arte ez zioten diagnostikatu; tra­ta­men­dua,  bost hilabetera ja­rri zioten. Bere garaian, bi mediku txosten egin zizkio­ten, eta ber­tan argi adieraz­ten zen Fernandezen gaixo­tasuna eta egoera ez zirela bate­ragarriak kartzelarekin.
Zegokion epaitegiak 2014ko maiatzean aztertu zuen ka­sua, eta ekainaren 20an eman zuen ebazpena. Epai­tegiak onar­­­tu zu­en, osasun arazoak medio, zi­gorra eten egin behar zela, baina bi baldintzekin: Fernandezek Ipar Eus­kal Herritik kanpo bizi behar zu­en eta es­tatu fran­tse­sean bizi­tzeko zeu­­kan debekua altxa egin behar zitzaion. Azken era­baki hori beste epaitegi bati da­gokio, eta azaldu zuten bitarte ho­rretan ezinezkoa zela zigorra ete­tea. 

Hirrugarren txostenaren eskaera
Ibon Fernandezek helegitea ja­rri zuen, eta Pariseko Dei Auzi­tegiak aztertu egin zuen 2014ko irailean, eta urriaren 30ean eba­tzi zuen. Helegitea onartu zuen, baina beste bi medikuk egindako hiru­ga­rren txosten bat eskatu zu­en era­bakia har­tzeko. Ostegu­nean izango da az­keneko au­dientzia, eta apiri­laren bu­kaeran ebatziko dela au­rreikusten da. Ostegu­nean bertan kontzentrazioa egin­go dute Baionako udale­txe au­rrean 18:30etan, Fernandezek ka­lean egon behar duela eska­tze­ko. Bertan izango dira se­ni­deak.

«Itxaronaldia ikaragarri luzatzen ari da»
Prozesuaren balorazioari bu­ruz galdetuta, arrebak ad­j­e­ti­boak ditu erantzun: «on­doeza, mina, kezka, egun kax­karrak, txarrak, oke­rragoak...». Fer­nan­dezen egoerari bu­ruz dio, ez duela zeri­ku­sirik gaixo arrunt batekin: «itxa­ronaldia ikaragarri lu­za­tzen ari da. Ezin zara mo­mentu larrietan me­di­kua­ren­gana joan: ba­tetik, tramiteak eta burokraziak oztopo gain­die­zinak direlako; bestetik, ospi­talera ateratzeko hartzen di­ren neurriak oso go­gorrak direlako. Gaixo arrunt baten mediku kon­tsultek ez dute ze­rikusirik. Besteok egu­ne­rokoan ezagutzen dugun testuingurua oso bestelakoa da. Faktore honek modu kalt­e­garrian eragiten du gaixo­tasunean, zalantzarik gabe».