Aitor Ruiz de Eginoren Kerkus eskultura dago ikusgai Hernaniko udaletxeko sarreran, eta larunbatera arte izango dute herritar guztiek ikusteko aukera, 08:00etatik 19:00etara.
Eskultore hernaniarrrak porespanean eman zion forma lanari, Zikuñagako Zikuzulon, eta ondoren, aluminio fundituan egin zuten, Hernaniko Seiak fundizioan. Horregatik, nabarmendu dute «%100ean Hernanin egindako eskultura» dela. 195 zentimetroko altuera du eskulturak, eta 240 kilo pisatzen ditu.
Eskultorea ere, bertan
Jakinarazi dutenez, Ruiz de Egino bera ere udaletxean egongo da tarteka, eskulturaren nondik norakoak azalduz.