Arrazakeria eta Xenofobiaren kontrako XIX. martxa egingo da gaur, 11:30etan Trintxerpetik abiatuta. Eguerdiko 13:00ean bukatuko da, Donostiako Bulebarrean. Amherrek eta Hernaniko Udalak martxan parte hartzeko deia luzatu dute.
Hernanitik, trenez
Amherrek zita jarri du Hernaniko apeaderoan, goizeko 10:20etan, 10:34etako trena hartu eta Trintxerpera elkarrekin joateko.
Lehenengo etxekoak. Etxekoak guztiok gara lelopean egingo da martxa, aldarrikatzeko ez dela onartu behar gizarterik, lehen, bigarren eta hirugarren mailako herritarren irizpideen arabera eraikia. «Elkarbizitza eta harremanak sustatzea, eta lehentasun eta hobespen nazionalaren ideiak baztertzea beharrezkoa izango zaigu», azaldu du Amherrek.