Ereñotzun ere odola emateko aukera jarri dute. Asteartean izango da lehenengo aldia. Arratsaldeko 18:00etan jarri dute hitzordua, Ereñotzuko kultur etxean. Auzo Udalaren eta Ongintzaren elkarlanari esker lortu da zerbitzu hau Ereñotzura gerturatzea. Auzo Udaletik gonbitea luzatzen diete hernaniar eta ereñotzuarrei odola ematera animatzeko: «Animatu gaitezen bizia ematera!».