Hernaniren aurkako derbia jokatuko du gaur Mundarrok. Zubietan jokatuko dute, hernaniarren zelaia ez baitago egoera onean oraindik, azken uholdeak tarteko. Arratsaldeko 15:30etan izango da. Beste hiru punturen bila joango dira moreak. Irabaziz gero, sailkapenean postu bat igotzeko aukera izango lukete, gainera. Lehia estua izango da, bi taldeak pareko baitabiltza behekaldeko postuetatik gertu.