Arrazakeria eta Xenofobiaren aurkako XIXgarren martxa egingo da igandean. Hernaniko Udala martxa bultzatzen duen erakundeen artean dago, eta Amherrek ere parte hartzeko deia luzatu du.
«Lehenengo etxekoak. Etxekoak guztiok gara»
Amherrek azaldu du inmigrazioa eta emigrazioa batera gertatzen ari direla, eta atzerritarra ez dela, soilik, gure aldamenekoa; gu ere egon gaitezkeela egoera horretan.
Hori horrela, azaldu du: «ez dugu nahi mosaikoz osaturiko gizarte bat, etnikoki zatikatua, erlijio bereizgarriez edo bestelakoez eraikitako komunitatez multzokatua. Guk herritarren gizarte bat eraiki nahi dugu, integratua, anitza eta demokratikoa».
«Ez dugu onartzen aurrez aurre jartzea krisiak pobretutako bertako pertsonak etorkin pobreekin, ‘lehenengo etxekoak’ dioen ideia horrekin»
Horregatik, martxarekin bat egin eta hainbat eskakizun egin dituzte. «Ez dugu onartzen aurrez aurre jartzea krisiak pobretutako pertsonak etorkin pobreekin, ‘lehenengo etxekoak’ dioen ideia horrekin». Hain zuzen, horixe da leloa: Lehenengo etxekoak. Etxekoak guztiok gara.