Atzo abiatu zen Korrika Urepeletik, eta bihar iritsiko da Hernanira. Baina aurretik ere izango da zerekin gozatu.
Gaur bertan, umeentzako antzerkia izango da Orkolagan, 17:30etan: Patata Tropikala. Jarraian, peto tailerra izango da, eta arratsaldeko 19:30etan (ordua aldatu da), kontzertua emango du Apalatxe taldeak; Infinito diskoa aurkeztuko dute Aritz Irastorzak eta Ana Aiestaranek.
Egun osoko festa, bihar
Jai giroak jarraipena izango du bihar. 10:00ak aldera Korrika pasako da herriko kaleetan zehar, eta segidan, Orkolagan hainbat ekintza antolatu dira.
Batetik, 11:30etan hasita, jolasak izango dira, Gazte Txokoko gazteek dinamizatuta: henna tailerra, txapa tailerra, aurpegiak margotzea... Eta jolasak ere izango dira: globoak, arrautzak, mini-motoak...
Eguerdiko 12:00etan, berriz, sagardo dastaketa egingo da; toka eta talo tailerra bertan behera geratu dira. Bazkaria ere izango da, 14:30etan. Azkenik, eguna bukatzeko, kontzertuak izango dira 20:00etan hasita; Anboters talde hernaniarra, eta Legazpiko talde bat.