Badatorrela Korrika! Larunbatean iritsiko da Hernanira, 10:00ak aldean, eta ondoren, Astigarragara joko du. Zuzenean ikusi ahal izango da www.kronika.eus webgunean, Hamaika Telebistak eskainitako irudiei esker.
Gaztetxoenek, ordea, atzo goizean girotu zuten herria. Den-denak atera ziren: Haurreskola, Txirrita, Langile, Elizatxo, Urumea, Inmakulada, Hernani BHI eta Karmelo Labakako ikasleak.
Bihar eta etzi ere, ez da girorik faltako Orkolagan.
Ume eta helduentzako ekintzak, Orkolagan
Bihar ume antzerkia izango da 17:30etan Orkolagan; Patata Tropikala. Segidan, peto tailerra. 19:00etan, berriz, Apalatxe taldeak kontzertua emango du.
Larunbatean ere, Korrika pasa ondoren, denetik izango da: 11:30etan jolasak; 12:00etan sagardo dastaketa, toka txapelketa eta talo tailerra; 14:00etan bazkaria; eta 21:00etan bi kontzertu.