Gaztetxoenek eramango dute gaur lekukoa

Bi urteren ondoren, berriro ere Korrika badator, Hernanira. Ofiziala larunbatean iritsiko da, baina gaur herriko gaztetxoenen txanda izango da, lekukoa eramateko.
Goizeko 10:00etan atletis­mo pista inguruan ariko dira txikienak; Ternez hara­te­gia­ren ondotik hasi eta Haur Es­ko­lara. 11:00etan, be­rriz, Le­hen Hezkuntzako ikas­leak ate­rako dira Txillida pa­sea­le­ku­tik; Meabeko sarrera, Txi­rri­ta, Izpizua, Urumea ikas­to­la, Lizeaga kalea eta Gaymur erai­­kina pasako dituzte, Pla­zan bukatzeko. Azkenik, DBH, Batxiler eta Lanbide Hezi­ke­ta­ko ikasleak 12:30etan aterako dira Tellerigainetik; Txantxi­lla­ko errotonda, Atse­gindegi, Zin­koenea, Karmelo Labaka, be­rriro Zinkoenea eta, az­ke­nik, Plaza, pasako dituzte korrika, testigua eramanez.

Ostiralean, Orkolagan
Giroa jartzeko asmoz, osti­ra­le­an 17:30etan Patata Tropikala an­tzerkia izango da Orko­la­gan, eta ja­rraian, peto tailerra. Apalatxe taldeak ere kontzer­tua eman­go du, 19:00etan.

Larunbatean, Korrika
Goizeko 10:00ak inguruan iri­tsiko da Korrika Hernanira, eta Orkolagan egun osoko festa izango da segidan.