Herri galdeketa datorren astean, 100.000 euro zertan inbertitu erabakitzeko

Aurrekontu partehar­tzai­le­en ekimenarekin jarraituz, he­rri galdeketa egingo du Uda­lak, datorren astean (mar­­txo­ak 23-28). Herrita­rrek auke­ratuko dute 100.000 euroak zertara bideratu. He­rri­tarrek hainbat proposa­men egin dituzte eta Udalak zortzi proiektu aukeratu ditu, teknikoki, ekonomi­koki eta legalki aztertu oste­an. Andoni Gartzia alkateak astelehene­an eman zituen azalpenak, prentsaurrean. 
73 herritarrek egin dituz­te proposamenak eta dene­ra, 108 proposamen bildu dira. Hainbat proiektu baz­ter­tzeko arrazoiak, ekono­mi­koki edota legalki bidera­garria ez izatea edota Udala­ren eskumena ez izatea aipatu zituen. Beste batzuk, berriz, dagoeneko Udalak egiteko asmoa duela. 

Zortzi proiektu aukeran
Alkateak azaldu zuenez, 13 eskaerek izango dute lekua boz­ketan, zortzi aukeratan la­bur­bildu­ta: 1. Hiri­gune eta in­dus­triagu­neko asfal­tatze la­nak (Gal­tzaur kalea eta Bide­bitarte indus­tria­guneko kale batzuk asfal­tatzea); 2. Kirol­de­gia be­rri­tzeko ekarpen gehi­garria; 3. Ikastolako aterpea osatu, haurren jolas parkea tapa­tuz; 4. Sagardo plaza berritzea; 5. Multikirol eremua (skate park, rokodromoa...); 6. Herri­ko jolas-parkeak berritu; 7. Anuskako urbanizazioari ekar­pen gehigarria; eta 8. obra txikiak (Pelotari kaleko zuhai­tzak aldatzea, Santio­men­diko aska berritzea, hel­duen­tzako parke bat egitea eta Donostia ibilbidean oinez­koen segurta­suna area­gotzeko neurriak).

Ludoteka zerbitzua, aztergai
Zalantzan geratu den eskaera bat ere aipatu zuen alkateak, eta aztertzen ari dira: ludo­teka zer­bitzua edo 0-3 urteko­en aisial­dirako lokala. «100.000 euro baino gehiago­ko kostua izan­go du. Eta haurreskola haun­­dituko den lokalean aurreikusten da hori kokatzea, baina bitartean, beste alterna­tibarik baden aztertzen jarrai­tu­ko dugu».

Auzo desberdinetan
Txoko eta auzo desberdinetan izango da bozkatzeko aukera. (Ordutegi guztiak, larunbateko Kronikan argitaratuko dira).
Alkateak dei egiten die he­rritarrei parte hartzeko: «He­rri­tar guztion artean eraiki eta erabaki behar dugu zer nolako Astigarraga nahi dugun eta ho­rretarako tresnak herrita­rren esku daude dagoeneko».