Haurdunaldian zehar sentitu egiten dute bai amak, eta baita umekiak ere. Hain zuzen, bihar hasiko den tailerraren helburua izango da haurdunaldian sentitzen diren sentsazioak ezagutu eta horiek kudeatzen ikastea, familiako beste kideekin sortzen diren harremanak lantzea, eta bikotearen egitekoaz hausnartzea.
Haurdunaldi tailerra arratsaldeko 18:00etatik 20:00etara emango da Biterin, euskeraz, martxoaren 18 eta 25ean, apirilaren 1, 15, 22 eta 29an, maiatzaren 6, 13, 20 eta 27an, ekainaren 3, 10 eta 17an, eta uztailaren 1ean.
Ariketak, komunikazioa eta material didaktikoa
Tailerra emango dute Josune Martirena Sagastibeltza psikologoak eta Marijo Artola Lizarazu diafreo terapeuta eta medikuntza alternatiboetan espezializatuak.
Metodologia zabala erabiliko da: diafreoren metodoa, arnasketa eta luzaketa ariketak egiteko; talde dinamikak eta komunikazioa lantzeko metodoak; ikus-entzunekoak...
Izenematea, zabalik
Bihar arte eman daiteke izena; marijo-m@hernani.eus / maialen-a@hernani.eus /943 33 70 17. Prezioa: 30 euro.