Presoen senideak espetxeetara eramaten dituzten gidari sareak osatzen du Mirentxin, eta larunbat honetarako arratsalde pasa ederra antolatu dute, laguntza lortzeko. Hernaniko 3 orduak jaialdia frontoian egingo da, 17:30etan hasita, eta sarrerak salgai daude, 10 eurotan, Oindi, Aralar, Garin eta Riojan.
Kirola, bertsoa eta giro ona
Denetik izango da: aizkoran, Olasagasti, Esnal eta Larrañagaren kontra; harrijasotzen, Irigoien eta Telleriaren arteko desafioa, eta Idoia Etxeberriaren erakustaldia; sokatiran, hernaniar gazte eta ‘helduen’ arteko errebantxa; pelotan, Mikel Goñi eta Juantxo Koka, Ojuel eta Azpitarteren kontra; eta bertsotan, Unai Gaztelumendi eta Eli Pagola. Barra ere izango da, eta girorik ez da faltako!