Kontzertu berezia eta ezberdina eskainiko du gaur Secretum taldeak Agustinetan. Hernani’n Musik ekimenaren barruan antolatu dute kontzertua, eta 20:00etan hasiko da, debalde.
Antzinako musika lantzen
Secretum taldeak antzinako musika lantzen du, Francisco Petrarcaren lan batean dago oinarritua izena. Gaurko emanaldiarekin lortu nahi da errenazimendu eta barroko garaietako lanak egungo gizartera ekartzea. Secretum taldeko kideak aldatu egiten dira egitarauaren arabera. Sona haundiko taldeekin lanean aritutakoak dira: Durendal, Los Musicos de Su Alteza, La Galania, Harmonia del Parnas, Lachrima Consort eta Conserto Vago.
Gaurko emanaldiarekin lortu nahi da errenazimendu eta barroko garaietako lanak gaurko gizartera gerturatzea.
‘Lachrimae’, izenburua
Gaurko kontzertuarekin John Dowlanden Lachrimae lana ekarriko dute gogora. Errenazimendu berantiarreko lan instrumentala da nagusi, eta enigma puntu bat ere badu. Beheranzko lau notekin abiatzen den kantu batean dago oinarritua, Flow my Tears izenekoa. Kantu horretan oinarrituta, zazpi bariazio dituen ziklo bat konposatu dute.