Badator Korrika! Astebete falta da euskeraren aldeko Korrika 19 Urepeletik abiatu dadin, eta martxoaren 21ean Astigarragara iritsiko da.
Aurretik hainbat ekintza antolatu dira.
Larunbatean, egun osoko festa
Hasteko, larunbatean txirrindularitza martxa antolatu da, 11:00etan Joseba Barandiaran plazatik abiatuta, eta herritar guztiei irekia dago. Bukatzean, argazkia aterako da.
Bestalde, 17:00etan kontzertua emango du Norberto Almandoz musika eskolako Ttakun taldeak, eta, ondoren, Flashmooba grabatuko da Denok Korrikara abestiarekin (entsaioa 16:15etan, kiroldegian). 4 urtetik gorako guztiek hartu dezakete parte, eta izenematea zabalik dago ostiralera arte, kiroldegian eta musika eskolan. Gero, merienda izango da. Horrez gain, 17:00etan argazkiak atzeratzeko postua jarriko da, pixkanaka mural bat osatu ahal izateko.
Korrika Txikia, gaur zortzi
Hilaren 21a baino lehen, Korrika Txikia egingo da; hilaren 18an, Astigarragako herri eskolako bi urteko haurrek herrian barrena buelta egingo dute 11:15etan, eta gainerakoek, 14:45etan.
Bazkari-txatelak, bihar arte
Hilaren 21ean, 11:00ak inguruan, pasako da Korrika herritik, eta festa egingo da. Batetik, Gaztelekuko kideek graffittiak egingo dituzte. Bestetik, kantu bazkaria egingo da 14:00etan pelotalekuan, eta txartelak salgai daude bihar arte AEKn, Ikatzan, Ekaitzen eta Zipotzan. Arratsaldeko 17:30etan, berriz, dantzaldia izango da Xaibor Djarekin, eta gauean, kontzertua.
Ipintzan afalduz, laguntza
Ostiraletan 28 euroko menua izaten da aukeran Ipintza sagardotegian, eta hortik 2 euro AEKra bideratuko dira. Erreserbak: aek@ipintza.com.