Egoitza zabaldu du EAJk, herritarren ekarpenak jasotzeko

Astigarrako EAJ-PNV alder­di­ak egoitza zabaldu du, Kale Nagusian (5 zenbakia). Atzo aurkeztu zuen Jesus Mari Santos alkategaiak, pren­tsau­rre­an. Santosek azaldu zuen politika herritarren eskutik egin nahi dutela, inposizioe­ta­tik aldenduta eta astigarta­rren hitza kontuan hartuta: «Herri­tarrak ber­ta­ra etortzeko, iritzia ema­teko eta proposa­menak egiteko izango da egoitza. Astigarragatik eta Astigarra­garentzako egin nahi dugu lan, herritar guztiak kontuan hartuz». Ekarpenak, hautes­kundeetako programan sar­tu­ko ditu EAJ-PNVk.
Santosek nabarmendu zuen EAJ-PNV dela Astigarra­gako alternatiba bakarra eta bestelako Astigarraga eraiki­tzeko prest daudela: «Bilduk nola gobernatzen duen ikusi dugu. Ikusi dugu Udala nola erabiltzen duen etekin politi­koa ateratzeko. Esaterako, gehiengoa aurka izan arren, atez atekoa inposatu du hondakinak biltzeko. Guk, inposiziotik eta etiketetatik urrun dagoen herri ireki eta tolerantea nahi dugu».
Hori lortzeko, egoitza be­rri­ra hurbiltzeko gonbitea luza­tzen die elkarte, mer­ka­ta­ri, enpresari, sagardo­gile, lan­gile, langabe... guztiei. Or­dutegia: astelehen eta asteaz­kenetan, 13:00-15:00; eta as­tear­­te eta ostegunetan, 18:00-20:30. Or­du­tegia moldatzeko aukera ere badago. Harre­manetarako: 682 764 522 edo jesusmarisan­tos2015@gmail.com.