Goizutrail mendi lasterketako bigarren edizioa eginen da aurten. Eta paratu dute eguna dagoeneko. Maiatzaren 16an izanen da. Oraingoz bilera bakarra egin dute eta gauzak zehazten joateko eta lasterketa prestatzen hasteko izanen da bigarren bilera hau. Arratsaldeko 18:00etan izanen da eta dei egiten diete herritarrei animatzeko, bilera irekia baita.
Bi ibilbide aukeran, aldaketaren bat agian...
Antolatzaileak aldaketaren bat edo beste egiteko asmotan dabiltza. Aurreratu dutenez, seguruena ibilbidea zertxobait aldatuko dute, nahiz eta kilometroetan aldaketarik ez izan, hau da, maratoi erdi bat izanen da aurten ere. Baina horrez gain, beste ibilbide bat ere prestatuko dute seguruena. Beste ibilbidea motzagoa izanen da, jende gehiago animatu dadin.
Dena dela, guztia zehazteko dago oraindik.