Herritarrekin bilduko da Udala, uholdeei buruz hitz egiteko

joan den asteko uholdeek kalte ugari utzi dituzte As­tigarragako bazterretan. He­rri­ko zortzi puntu hartu zi­tuen urak: 
Ergobian, plaza­ren in­gu­ruan izan ziren kal­te ge­hie­n: Estanco eta Bei­zama ta­ber­nak, inguruko tai­lerrak, por­talak, gara­jeak... Txalaka ibilbide ingu­ruko enpresek ere izan zi­tuzten kalteak, eta erru­ma­nia­rren kanpalekua ere, de­salo­ja­tu behar izan zuten. Arro­bi­txulon, garaje batzue­tan sartu zen ura. Donostia ibilbidean ur asko pilatu zen, batez ere, Bidebitarte in­dus­tria­guneko sarreran; ga­ra­je batean ere sartu zen ura. Pe­lo­tari kalean ere asko izan ziren kaltetuak: ko­mer­tzio eta por­ta­letan sartu zen ura, eta zein­bat kotxe ere izan zi­ren kal­tetuak. Erre­ka­txo in­gu­­ruan, garaje, portal eta ba­jue­tara sartu zen ura. Mar­tu­teneko bidean, Lizeaga eta Gar­tziategi sagardote­gietan sartu zen ura. Eta Por­tutxon, an­bulategi in­guruko zenbait baju eta portal hartu zituen urak. 

Balorazioa egiteko garaia
Uholdeen balorazioa egiten ari da orain Udala, eta bide ho­rre­tan, ezinbestekotzat jo du he­rri­tarrekin biltzea. Datorren as­tean egingo dute bilera, Arro­­­bitxu­lo­ko lokalean. Hain­bat puntu aztertuko dituzte: zein­tzuk izan diren kal­teak; Uda­lak uholdeen eragina gutxitze­ko hartuak zituen neurriak eraginkorrak izan diren az­tertu, eta hutsuneak aipatu; alertak zabaltzeko pro­tokoloak funtzionatu duen ikusi; eta herritarren ekarpena jaso.