Korrikak eta martxoaren 8ko ekitaldiek markatuko dute martxoa

udaberria badator, eta ho­rrekin batera ekitaldiz be­te­tako hilabetea. Bi gertaerek izango dute pisua, kultur agendan: martxoaren 8aren bueltan antolatutako ekin­tzek, eta Korrika 19 eki­menak. Hilabetero izaten diren beste hainbat ekitaldi ere, ez dira faltako: musika emanaldiak, zinea, antzerkia, ipuinak... 

Emakumeen alde, lanean jarraitzeko apustua
Emakumearen Nazioarteko Eguna da martxoaren 8a. Ur­te berezia izan da aur­tengoa astigartarrentzat, bes­­teak beste, in­darkeria se­xis­taren kontra, bufanda erral­doia egin baita. Borroka ho­rretan jarraitzeko gogoz dira, eta garrantzia eman diote lortu den guztiari. Lanean jarrai­tzeko gogoa eta ilusioa ez dute falta, eta apustu horren baitan ekitaldiz betetako hilabetea antolatu dute. 
Larunbatean bertan, Ez da kasualitatea bertso mu­sikatuak izango dira. Uxue Alberdi, Jone Uria, Miren Amu­riza eta Nerea Eluston­dok abestuko dituzte, eta sarrerak 6 euroan e­skuratu dai­tezke. Hilaren 10ean Elles pe­likula jarriko dute. Eta on­doren, Aukera taldeko kide batekin hitz egiteko aukera izango da, prosti­tu­tekin egi­ten du lan. Mar­txoa­ren 13an berriz, ba­ka­rrizketa izango da: Bus­co novio formal que marido ya tuve. 
Eta Astigarragatik kan­po, Asturiasera joango dira larunbatean Harituz tal­deko kideak. Matazak in­darkeria sexistaren aurka proiektuko matazak eramango dituzte Asturia­sera.

Korrika ere, martxoan
Korrikak ere badu pro­tago­nis­moa martxoan. Hilaren 21ean iritsiko da Astigarra­gara, Her­na­­nitik barrena. Eguerdian bazkaria antolatu dute pe­lo­talekuan, eta joan nahi duenak salgai ditu txartelak herriko hainbat puntutan. Eta eus­keraren festa errematatzeko, dan­tzal­dia egingo dute, 17:00ak inguruan, Xaibor DJarekin. 
Aurretik, herriko txi­kie­nek ere izango dute Korrika txikian parte hartzeko auk­e­ra. Hilaren 18an izango da, bi txandatan. 

MARTXOKO KULTUR AGENDA

4 Zilegi Eskolak. Harremonak.Hitzaldia Arremanitz kooperatibako kideek. 09:30etan Kultur Etxean edo 19:00etan Nabarra Oñatz kalea 3ko lokalean.
5 Ipuin kontaketa: Handitzen naizenean txakurra izan nahi dut. 17:45etan, 3-5 urte bitartekoentzat. 18:15etan, 6-9 urte bitartekoentzat.
7 Emakumearen eguna: Ez da kasualitatea. Bertso musikatuak, 20:00etan, kultur etxean. 6 euro.
9/23 KZ Gunea. Dinamizatzailea egongo da 09:00etatik 13:00etara.
10 Emakumearen eguna: Elles filma. Kultur etxean, 18:00etan. Sarrera debalde.
11 Hezkuntza hitzaldiak: El duelo. Bidegin taldearen eskutik. Gaztelaniaz. 18:00etan, Kultur etxean.
13 Emakumearen eguna: Busco novio formal, que marido ya tuve.  Isabel Azpirozen bakarrizketa. 20:00etan, kultur etxean. 3 euro.
13/26 Musika Entzunaldiak. Norberto Almandoz Musika Eskolan martxoaren 13an, 17an, 23an, 24an, 25ean, eta 26an.
14 Korrika 19: 
11:30etan, Korrikaren aldeko Txirrindularitza martxa. J. Barandiaran plazatik. 
17:00etan, Norberto Almandoz Musika Eskolako Ttakun taldearen kontzertua, Kiroldegian.  
Segidan: Flashmobe ‘Denok korrikarekin’ abestiarekin.
Bukaeran: Haurrentzako merienda.
14 Sagardoetxean: Polinizazioa Sagastian. Sagardoetxeara bisita eta jarduera didaktikoak, lore batetik sagarrera bitarteko prozesua azaltzeko. Izena emateko: 943 55 05 75 edo info@sagardoarenlurraldea.com.
14 Haurrentzako zinea: Haurrak eta Lapurrak. 17:00etan, Kultur etxean. Prezioa, 2 euro.
15 Haurrentzako antzerkia: Hiru txerritxoak eta otsoa. Kultur etxean, 17:30etan. Prezioa, 2,5 euro. 
17/24 Zilegi Eskolak. Ariketa hipopresiboak kiroldegian, Leire Mendiorotzen eskutik. 09:30-10:30 edo 18:30-19:30. Prezioa: AEKko ikasleek debalde; gainontzekoek 5 euro.
18 Korrika txikia. Astigarragako herri eskolako ikasleen eskutik, herrian barrena. 11:15etan bi urteko haurrak eta 14:45etan gainerako ikasleak.
21 Korrika: 
11:00etan, Hernani pasa eta gero, Astigarragara iritsiko da. Gaztelekuko kideek lurreko grafitiak margotuko dituzte errepidean zehar.
14:00 Herri bazkaria pelotalekuan. Txartelak salgai daude Astigarragako AEKn, Ikatzan, Ekaitzen eta Zipotzan, hilaren 12a arte. Prezioa: 10 euro haurrek eta 18 euro helduek.
17:30 Dantzaldia Foru Plazan. Xaibor DJarekin.
23 Literatur Solasaldia. ‘Los años’ liburuaren inguruan, Jorge Carrerorekin. Liburutegian, 19:30etan. 
25 Hezkuntza hitzaldiak: Educar en el conflicto y para el conflicto. Paco Gasconen eskutik, Bartzelonako Unibertsitate Autonomoko irakasleen eskutik. Gaztelaniaz. 17:00-20:00, Kultur etxean.
28 Sagardo Dastatze Gidatua: 11:00etan Zapiain sagardotegira bisita eta sagardoa dastatzeko aukera. Prezioa: 10 euro. Izen ematea: sagardoetxean, 943 55 05 75 edoinfo@sagardoarenlurraldea.com.

Aste Santuan 
Jolas txiki, Kiroldegian. 2 eta 5 urte bitarteko haurrentzat, 09:00etatik 13:30etara. 1 txanda: martxoak 30-31 eta apirilak 1.  Prezioa: 30,70 euro bazkideek, edo 38,80 euro. 2garren txanda: apirilak 7-8-9-10; 41 euro bazkideek, edo 51,80 euro. Bi txandak: 64,50 bazkideek edo 82,10 gainerakoek. Izen ema­tea: martxoaren 16tik 25era kiroldegian, 943 33 36 76.
Haurrentzako tailerrak: 6-8 urte bitarteko haurren­tzat. Ozeneko magoaren dantza eta mozorroak, martxoaren 30-31 eta apirilak 1. Mundu bat jateko eta jolasteko, apirilak  7, 8, 9 eta 10. Informazioa eta izen emateak: 943 33 50 64.