Bilduren jokabidea kritikatu du Hernaniko PSE-EEk, larrialdi guneetako kameren inguruan sortu den polemikaren harira: «bere interesen mesedetan erabili ditu Udalaren baliabideak, guztionak eta inpartzialak izan beharko liratekenak».
Zehazki, Udalaren web orriaz baliatzea leporatu diote, oposizioaren kontra egiteko: «kamerak jartzearen kontra azaldu gara, eta Bildu defendatu da oposizioko alderdiak erasotuz, baita Udalaren web orriko Albisteak atalean ere». Sozialisten ustez, tresna hori mezu instituzionalak argitaratzeko erabili behar da, «eta ez etekin politikorako».
«Bitxia da Bilduk oposizioari oposizioa egin nahi izatea, badirudi urduri daudela».
«Badirudi urduri daudela»
PSE-EEk salatu du, hernaniar guztien baliabideak modu partidistan erabiltzea dela hori: «ezohikoa da norbaitek tresna hauek baliatzea bere interes partikularrerako».
Hori dela eta, «bitxia» iruditzen zaie Bilduk «oposizioari oposizioa» egin nahi izatea: «badirudi urduri daudela, eta ez dakitela jasaten oposizioaren kritika demokratikoak, Gobernuaren kontrol-lanetan».
Halaber, «susmagarria» da sozialistentzat, Udalaren web orri berria berdintsua izatea, Lasarte-Oriako, Andoaingo, Pasaiako, Astigarragako... Udalek dutenarekin, non aldatu egin duten Bilduren gobernuekin.