Kontsumo taldea osatzeko asmoz, bilera deitu dute gaur

Basherri Sareko kideak, kon­tsumo talde bat sortzeko as­mo­tan dabiltza Astigarra­gako ba­se­rritar batekin. Hori ho­rre­­la, hitzaldi-bilera bat anto­la­tu du­te gaur herrita­rrei eki­me­na­ren berri emate­ko. Kul­tur etxean izango da 19:00etan.
Guztira 65 talde inguru daude Gipuzkoako herrietan zehar: «hau da, 600 familia eta 60 baserritar baino gehiago daude sare honetan inplika­tuta. Eta hau hasi besterik ez da egin!», azaldu dute.

Elikadura berreskuratu
Euskal Herrian baserritarrak desagertzen ari direla nabar­men­du dute eta esku gutxie­tan dauden agroenpresa mul­ti­nazionalek kontrolatzen dutela elikadura merkatua: «inte­res ekonomikoen arabe­ra guk zer jan erabakitzen dute». Eta gai­neratu dute: «Arazoa ez da baserritarrena bakarrik, gizarte osoarena baizik. Gure elika­duraren kontrola berreskuratu behar dugu. Bertako ekoizpe­nak, garaian-garaikoak eta lurrari lotutakoak nahi ditugu. Hori guztia lortzeko jarrera aktiboa hartu beharra daukagu eta modu kolektiboan lan egin. Horretarako sortu dira BasHe­rri Taldeak, baserrita­rren bizi-iraupena eta kalita­tezko elika­gaiak ziurtatzeko».

Otar bat astero
BasHerri Taldeetan, herrita­rrek eta baserritarrek zuze­neko harremana izaten dute eta batzarrak, baratzetara bi­si­tak... antolatzen dituzte. Ho­rrez gain, baserritarrak astero otar bat prestatzen du eta toki eta ordu zehatz bate­an tal­de­ko kideei era­ma­ten die. Base­rritarrarekin adosten da ota­rra­ren edukia eta hile­roko kuota. Otarretan garaian ga­rai­ko barazkiak, frutak, arrau­­tzak, gazta, ogia, mer­mela­dak... dene­tarik jaso daite­ke, baserri­tarren arabera.