Gaur arratsaldeko 18:00ak aldera, ekarriko dute Urbieta eta Latsunbe kaleak lotuko dituen igogailu berriaren egitura, garraio berezi batean: 22 metro da luze, eta 4 metro zabal.
Hori dela eta, zenbait kale moztuko dituzte, 20 minutuz. Hain justu, garraio berezia pasako den kaleak dira moztuta egongo direnak. Honako ibilbidea egingo du: Karabelgo zubitik sartu, Txirrita kalean gora joan kontrako norabidean, Urbieta kalean maniobra egin, Elkano kaletik kontrako norabidean jaitsi, eta Latsunbe kaletik kiroldegira sartu.
Ibilbidea osatu bitartean, trafikoari erabat itxita egongo dira, eta ahal den lekuetan, ibilbide alternatiboak jarriko dira. Udaltzaingoak eskatu du, ordu tarte horretan ez pasatzeko kale horietatik.